Sergen Yalçın: Rafa Silva peşəkar kimi davranmır

“Rafa Silva ilk gün mənə dedi ki, burada qalmaq istəmir, futboldan getmək barədə düşünür”.

APA xəbər verir ki, bunu “Beşiktaş”ın baş məşqçisi Sergen Yalçın Rafa Silvanın komandada qalmamaq istəməməsi səbəbindən yaranmış vəziyyətə həsr olunmuş mətbuat konfransında deyib.

Sergen Yalçının sözlərinə görə, Kenni Aroyo da oxşar şeyləri deyib və onun yolunu açıblar: “Rafa dəyərli oyunçu olduğu üçün dedim ki, onu rahat idarə edəcəyik, problemi olmayacaq. Beləliklə, məsələni etdim. Lakin bir müddət sonra problem yenidən ortaya çıxmağa başladı. Bu dəfə də Rafaya dəyərini anlatdım, ona ehtiyacımız olduğunu dedim. Vəziyyəti yoluna qoymağa çalışdıq, amma vəziyyət həll olunmaz səviyyəyə çatdı. O, daha məşq etməyəcəyini və matçlarda oynamayacağını dedi”.

Baş məşqçi bildirib ki, Rafa Silva oynamaq istəmədiyini söylədikdən sonra bu barədə klub prezidentinə məlumat verməli olub: “Çünki məsələni həll etmək üçün heç bir yolum yox idi. Rafa Silvanın oynaması üçün qapımız açıqdır. Düşünmürəm ki, bizimlə problemi var, amma o, ünsiyyəti kəsib, ancaq meneceri vasitəsilə mesajlar göndərir. Mən artıq bacardığım qədər idarə etmişəm. Onu niyə oyun vaxtı əvəzlədiyimi soruşursunuzsa, Messi, Ronaldo da bu gün meydandan çıxır. Heç kim “Beşiktaş”dan böyük deyil".

Sergen Yalçın Rafa Silva ilə aralarında hər hansı problem olmadığını bir daha təkrarlayıb: “Mənim də Rafa ilə heç vaxt problemim olmayıb. Rafa heç vaxt mənə qarşı hörmətsizlik etməyib və ya pis davranmayıb, öz işini görüb. Aramızda hər hansı problemlər olsaydı, özüm rahat həll edərdim. Rafa ilə danışın, ondan problem barədə soruşun. O, peşəkar müqavilələrə uyğun davranmır".

Baş məşqçi vurğulayıb ki, bütün komanda Rafanın ətrafında qurulub, ona uyğun oyunçular alınıb: “Mən fərqli oyun oynamaq istəyirəm, amma plan onun ətrafında qurulub. Oyunçu deyir ki, 'Mən burada məşq etmək istəmirəm, oynamaq istəmirəm”. Oyunçudan soruşun, səbəbini özü desin”.