"Sabah" - "Levski" - mətbuat konfransları və açıq məşqlərin vaxtları bəlli oldu

UEFA Konfrans Liqasının III təsnifat mərhələsi çərçivəsində keçiriləcək “Sabah” – “Levski” matçının oyun öncəsi mətbuat konfransı və açıq məşqin vaxtı müəyyənləşib.

QELEBE.AZ xəbər verir ki, komandanın baş məşqçisi Valdas Dambrauskasın iştirakı ilə keçiriləcək mətbuat konfransı avqustun 12-də saat 17:45-də, ilk 15 dəqiqəsi media üçün açıq olacaq məşqi isə saat 18:15-də Şüvəlanda, “Sabah” Futbol Mərkəzində baş tutacaq.

Rəqib komandanın oyun öncəsi mətbuat konfransı avqustun 13-də saat 18:30-da, ilk 15 dəqiqəsi media üçün açıq olacaq məşqi isə saat 19:30-da, “Bank Respublika Arena”da keçiriləcək.