Kinqsli Koman Ronaldo ilə komanda yoldaşı ola bilər

"Bavariya"nın cinah oyunçusu Kinqsli Koman Kristiano Ronaldonun çıxış etdiyi "Əl-Nəsr"ə keçməyə yaxındır.

QELEBE.AZ xəbər verir ki, bu barədə tanınmış insayder Nikolo Şira məlumat yayıb.

Mənbənin sözlərinə görə, 29 yaşlı fransalıya yüksək maaşla 3 illik müqavilə təklif olunub və "Əl-Nəsr" Kinqslini kluba qoşulmağa razı salacağına inanır.

Koman 2015-ci ildən "Bavariya"da çıxış edir. Ötən mövsüm o, bütün turnirlərdə 45 matçda meydana çıxıb, 9 qol vurub və 6 məhsuldar ötürmə verib.