Avropa Liqası: "Sabah"ın Sloveniyaya səfər planı bəlli olub
https://qelebe.az//uploads/photo/avropa-liqasi-sabahin-sloveniyaya-sefer-plani-belli-olub.webp
UEFA Avropa Liqasının I təsnifat mərhələsinin cavab oyununda "Sele" ilə üz-üzə gələcək "Sabah"ın Sloveniyaya səfər proqramı bəlli olub.
Bu barədə "QELEBE.AZ"a Bakı təmsilçisinin mətbuat xidmətinin rəhbəri Elnur Həmidov məlumat verib.
Onun sözlərinə görə, komanda iyulun 16-da səhər saatlarında çarter reysi ilə sözügedən ölkəyə yollanacaq. Baş məşqçi Valdas Dambrauskasın iştirakı ilə matçdan əvvəl mətbuat konfransı həmin gün yerli vaxtla saat 18:30-da başlayacaq. İlk 15 dəqiqəsi açıq olacaq məşq isə saat 19:00-da görüşün keçiriəcəyi stadionda gerçəkləşəcək.
"Sabah" qarşılaşmadan dərhal sonra Bakıya yola düşəcək.
"Sele" - "Sabah" oyunu iyulun 17-də, Bakı vaxtı ilə saat 22:00-da start götürəcək.
Xatırladaq ki, tərəflər arasında Bakıda gerçəkləşən ilk görüş Sloveniya təmsilçisinin 3:2 hesablı qələbəsi ilə yekunlaşıb.
