Fransa klubunun qapıçısı psixoloqa müraciət edib

Fransanın PSJ klubunun qapıçısı Canluici Donnarumma psixoloqa müraciət edib.

"QELEBE.AZ" "RMC Sport"a istinadən xəbər verir ki, 26 yaşlı qolkiper klublararası dünya çempionatının 1/4 final mərhələsində Almaniya təmsilçisi "Bavariya"nın oyunçusu Camal Musialanın zədələnməsindən sonra bu addımı atıb.

Yarımmüdafiəçi məhz italyan qolkiperlə toqquşduqdan sonra ağır zədə alıb.

Donnarumma meydanda və paltardəyişmə otağında Paris təmsilçisinin idman psixoloqu Xoakin Valdeslə söhbət edib. X,Valdes baş verənlərdə qapıçının günahı olmadığını söyləyib.

Bununla belə, oyunçunun final fitindən sonra hadisəyə görə depressiyaya düşdüyü bildirilib. O, həmkarı Musiala ilə də əlaqə saxlayıb və onun durumu haqqında məlumat alıb.

Qeyd edək ki, qarşılaşma PSJ-nin 2:0 hesablı qələbəsi ilə yekunlaşıb. Musialanın 4-5 ay yaşıl meydanlardan kənarda qalacağı gözlənilir.