“Qəbələ”nin prezidenti: “PFL-in təcrübəsi yaxşı Superkubok oyunu təşkil etməyə imkan verir”

“Peşəkar Futbol Liqasının (PFL) bu sahədəki təcrübəsi yaxşı Superkubok oyunu təşkil etməyə imkan verir”.

Bunu “Report”a müsahibəsində “Qəbələ” klubunun prezidenti Fariz Nəcəfov Azərbaycan Superkubokunun mümkün bərpasına münasibət bildirərkən deyib.

44 yaşlı funksioner hesab edir ki, Superkubok matçı keçirilərsə, onun ətrafında ciddi işlər aparılmalıdır: “Heç kimə sirr deyil ki, Superkubok oyunu sıradan futbol matçı deyil. Bu görüş yaxşı azarkeş toplamalı, ətrafında marketinq işləri görülməlidir. Ümid edirəm ki, bu matçda finala layiq olanlar iştirak edərlər”.

Qeyd edək ki, Peşəkar Futbol Liqasının prezidenti Elxan Səmədov “Report”a müsahibəsi zamanı mövsümün sonunda Azərbaycan Superkubokunun bərpa olunacağını istisna etməyib. Ölkə kubokunda yarımfinala yüksələn “Qəbələ” həlledici matçda iştirak şansını davam etdirir.

Fariz Nəcəfovun müsahibəsinin tam versiyasını buradan oxuya bilərsiniz.