"Yuventus" türkiyəli futbolçunun müqavilə müddətini artıracaq

İtaliya təmsilçisi "Yuventus" Türkiyə millisinin futbolçusu Kənan Yıldızla müqavilə müddətini artıracaq.

"Report" xəbər verir ki, bu barədə "La Gazetta della Sport" nəşri məlumat yayıb.

20 yaşlı hücumçunun yeni sözləşməsi 2030-cu ilə qədər nəzərdə tutulub. Müqavilə şərtlərinə əsasən onun maaşı 1,5 milyon avrodan 4 milyon avroya qədər yüksələcək.

Qeyd edək ki, ötən mövsüm "Yuventus"un heyətində 48 oyuna çıxan K.Yıldız 9 qol vurub və 7 assistə imza atıb.