Beyləqanda qətlə yetirilən şəxs tanınmış güləşçinin ilk məşqçisi olub

Dekabrın 23-də Beyləqanda qətlə yetirilən Kamil Fərzəliyev əməkdar məşqçi olub.

"QELEBE.AZ"un məlumatına görə, ikiqat dünya və ikiqat Avropa çempionu, yunan-Roma güləşçisi Eldəniz Əzizlinin ilk məşqçisi olan mütəxəssis tanışı Rafiq Əliyevlə şəxsi münasibətlər zəminində aralarında yaranmış münaqişə zamanı bıçaqla xəsarət yetirilərək öldürülüb.

Rafiq Əliyev şübhəli şəxs qismində tutulub. Hazırda iş üzrə istintaq davam edir.

Qeyd edək ki, Kamil Fərzəliyev 44 günlük Vətən müharibəsinin də iştirakçısı olub.