Argentina Kolumbiya ilə matçda azlıqda məğlubiyyətdən xilas olub

Argentina və Kolumbiya yığmaları yoldaşlıq matçında 1:1 hesabı ilə heç-heçə ediblər.

“QELEBE.AZ” xəbər verir ki, oyun Buenos-Ayresdəki “Monumental” stadionunda keçirilib.

Hesab 24-cü dəqiqədə ulduz kolumbiyalı hücumçu Luis Dias tərəfindən açılıb: “Liverpul”un futbolçusu baxımlı qola imza atıb. Matçın 71-ci dəqiqəsində argentinalılar yarımmüdafiəçi Entso Fernandes yüksək qaldırılmış ayaqla oynadığı və rəqibin üzünə butsla zərbə endirdiyi üçün qırmızı vərəqə alaraq meydanda 10 nəfər qalıblar.

81-ci dəqiqədə Argentina yarımmüdafiəçisi Tiaqo Almada hesabı bərabərləşdirməyi bacarıb. Argentinalı hücumçu Lionel Messi 78 dəqiqə meydanda olsa da, matçda məhsuldar hərəkətlərlə yadda qalmayıb.

Xatırladaq ki, Argentina növbəti matçını Venesuela ilə, Kolumbiya isə Boliviya ilə keçirəcək, hər iki matç sentyabrın 3-də baş tutacaq.