Bakıda keçiriləcək "Formula 1" yarışı üçün bu günədək 7000-dən çox könüllü müsahibə mərhələsində iştirak edib

Bakıda keçiriləcək "Formula 1" üzrə Azərbaycan Qran-prisi üçün könüllülərin müsahibə mərhələsi davam edir.

"QELEBE.AZ"un məlumatına görə, Bakı Şəhər Halqası Əməliyyat Şirkətinin işçi qüvvəsi üzrə mütəxəssisi Əli Xəlilov jurnalistlərə açıqlamasında bu günədək 7000-dən çox insanın müsahibə mərhələsində iştirak etdiyini bildirib.

Onun sözlərinə görə, ümumilikdə 31 mindən çox müraciət qeydə alınıb:

"Bu, Bakıda keçirilən turnirlər arasında rekord göstəricidir. Turnir üçün cəmi 2000 könüllü seçiləcək".

Qeyd edək ki, Azərbaycan Qran-prisi 19-21 sentyabr aralığında keçiriləcək.

Foto: Məhəmməd Ağayev