Monteneqro millisinin üzvü dünya çempionatının yarımfinalında Azərbaycanla qarşılaşmaq istəyir
https://qelebe.az//uploads/photo/monteneqro-millisinin-uzvu-dunya-chempionatinin-yarimfinalinda-azerbaycanla-qarshilashmaq-isteyir.webp
Dünya çempionatının yarımfinalında Azərbaycanla qarşılaşmaq istəyərdim.
Bunu "Report"a açıqlamasında minifutbol üzrə Monteneqro millisinin oyunçusu Qoran Nenezic deyib.
O, Bakıda təşkil olunan mundialın 1/4 final mərhələsində Çexiyaya qalib gəldikləri oyun barədə danışıb:
"Bizim üçün çətin görüş alındı. Əsasən oyunumuzu müdafiədən qururduq. Şükürlər olsun ki, sonda istəyimizə çatdıq. Çexiya çox güclü komandadır. Yarımfinaldakı rəqibimiz İngiltərə - Azərbaycan cütünün qalibi olacaq. Açığı, ev sahibi olan Azərbaycanla qarşılaşmaq maraqlı olardı".
Qeyd edək ki, Monteneqro yığması 1/4 finalda Çexiya seçməsini 1:0 hesabı ilə məğlub edərək yarımfinala yüksəlib.
