“Qarabağ” avrokuboklarda iştiraka görə 12.2 milyon avro gəlir əldə edəcək

“Qarabağ” 2024/2025 mövsümündə avrokuboklarda iştiraka görə 12 milyon avrodan çox gəlir əldə edəcək.

“QELEBE.AZ” “Football Meets Data”ya istinadən xəbər verir ki, futbol klublarının 2024/2025 mövsümündə avrokuboklarında iştiraka görə UEFA-dan alacaqları pul mükafatlarının məbləğləri açıqlanıb.

“Qarabağ”ın əldə edəcəyi gəlir isə 12,2 milyon avro göstərilib.

Siyahıda ilk iki pillədə müvafiq olaraq PSJ (Fransa) və “İnter” (İtaliya) yer alıb. Hər iki klub UEFA Çempionlar Liqasının finalından əvvəl 130 milyon avrodan çox qazanc təmin edib. Üçüncü pillədə isə “Arsenal”a (İngiltərə) yer verilib. Premyer Liqa komandasının 117 milyon avro gəlir əldə edəcəyi gözlənilir.