Əməliyyat olunan "Tottenhem"in futbolçusu bir neçə ay yaşıl meydanlardan kənar qalacaq

İngiltərə təmsilçisi "Tottenhem"in futbolçusu Deyan Kulusevski dizindən əməliyyat olunduğu üçün bir neçə ay yaşıl meydanlardan kənar qalacaq.

"QELEBE.AZ" xarici KİV-ə istinadən xəbər verir ki, Premyer Liqanın XXXVI turunda "Kristal Pelas"a qarşı keçirilən matçda zədələnən yarımmüdafiəçinin durumu əvvəlcə normal görünsə də, daha sonra vəziyyət ciddiləşib.

O, ötən gün diz qapağından əməliyyat olunub.

Qeyd edək ki, Deyan Kulusevskinin UEFA Avropa Liqasının finalında "Mançester Yunayted"ə qarşı görüşdə meydana çıxa bilməyəcəyi dəqiqləşib.