Azərbaycanın batut gimnastikası millisinin baş məşqçisi: "Krakovda 17 medal qazanmaq uğurlu nəticədir"
https://qelebe.az//uploads/photo/azerbaycanin-batut-gimnastikasi-millisinin-bash-meshqchisi-krakovda-17-medal-qazanmaq-ugurlu-neticedir.webp
Azərbaycanın batut gimnastikası millisinin baş məşqçisi Vladimir Şulikin Polşanın Krakov şəhərində keçirilən beynəlxalq turnirdə qazanılan nəticəni dəyərləndirib.
O, “QELEBE.AZ”a açıqlamasında yığma üzvlərinin çıxışını uğurlu adlandırıb.
“Batut gimnastikası və tamblinq üzrə təmsilçilərimiz Krakovdakı turnirdə 17 medal qazanıblar. Bu nəticəni uğurlu hesab edirəm. Yeniyetmələr yaxşı çıxış etdilər. Batut komandasının heyəti, demək olar ki, 70 faiz komplektləşib. Bu komanda noyabrda İspaniyada keçiriləcək dünya çempionatında iştirak edəcək. Tamblinqdə də mühüm vəzifələr həll edildi. İdmançılar Ümumdünya Oyunlarında çıxış edə biləcəkləri kombinasiyaları sınaqdan keçiriblər”, - deyə V.Şulikin vurğulayıb.
Qeyd edək ki, Azərbaycan millisinin üzvləri Polşdakı beynəlxalq turnirdə 17 medala sahib çıxıblar.
