Azərbaycanın böyüklərdən ibarət cüdo millisi Avropa Kubokunda iştirak edəcək

Azərbaycanın böyüklərdən ibarət cüdo millisi Gürcüstanın Qori şəhərində keçiriləcək Avropa Kubokunda iştirak edəcək.

"QELEBE.AZ" xəbər verir ki, yığma yarışda 6 çəki dərəcəsində 19 idmançı ilə təmsil olunacaq.

Kollektivə kişilərdən ibarət yığmanın böyük məşqçiləri Elçin İsmayılov və Robert Kravçik rəhbərlik edəcək.

Avropa Kubokunda Babarəhim Mirzəyev, Murad Əliyev, Amin İsmayılov (hamısı 60 kq), Tofiq Məmmədov, Nazir Talıbov, Kənan İsmayılov, Rəşad Yelkiyev, Eltac Yusifli (hamısı 66 kq), Rüfət Şövlətov, Nəriman Mirzəyev, Kamran Süleymanov, Qadir Hüseynov (hamısı 73 kq), Məhərrəm İmamverdiyev (81 kq), Naim Hüseynov, Fəqan Şamilov, İbrahim Ağakişiyev (hamısı 90 kq), Nihad Şıxəlizadə, Şahin Əsədov və Elmar Qasımov (hamısı 100 kq) medallar uğrunda mübarizə aparacaqlar.

Qeyd edək ki, Avropa Cüdo Birliyinin təşkilatçılığı ilə mayın 10-11-də baş tutacaq turnirə 15 ölkədən 199 (146 kişi, 53 qadın) idmançı qatılacaq.