Kevin De Bruyne İngiltərənin başqa klubuna keçə bilər

Mövsümün sonunda "Mançester Siti"dən ayrılacağını açıqlayan belçikalı futbolçu Kevin De Bruyne İngiltərənin başqa klubuna keçə bilər.

"Report" yerli mətbuata istinadən xəbər verir ki, 33 yaşlı yarımmüdafiəçi Premyer Liqa təmsilçilərindən birində çıxış etmək imkanını nəzərdən keçirir.

Onun agenti artıq bir neçə klubla danışıqlara başlayıb. "Aston Villa" rəhbərliyi oyunçunun transferi ilə bağlı müzakirələr aparır.

Qeyd edək ki, Kevin De Bruyne 2015-ci ildən "şəhərlilər"in formasını geyinir.