Çempionlar Liqası: "Araz-Naxçıvan" bu gün Serbiya klubu ilə qarşılaşacaq
https://qelebe.az//uploads/photo/chempionlar-liqasi-araz-naxchivan-bu-gun-serbiya-klubu-ile-qarshilashacaq.webp
"Araz-Naxçıvan" futzal klubu bu gün UEFA Çempionlar Liqasının əsas mərhələsində növbəti oyununu keçirəcək.
"Report"un məlumatına görə, Joze Alesio Da Silvanın baş məşqçi olduğu kollektiv V qrupdakı ikinci görüşündə Serbiya "Loznika Qrad"ı ilə üz-üzə gələcək.
Bosniya və Herseqovinanın Mostar şəhərindəki "Mithad Hujdur Hujka Arena"da oynanılacaq görüş Bakı vaxtı ilə saat 19:30-da başlayacaq. Qrupun digər görüşündə Bosniya və Herseqovina "Mostar"ı İsveç "Erebru"su ilə qarşılaşacaq.
Çempionlar Liqası
Əsas mərhələ, II tur
27 oktyabr
19:30. "Loznika Qrad" (Serbiya) - "Araz-Naxçıvan" (Azərbaycan)
Qeyd edək ki, "Araz Naxçıvan" ilk matçda "Erebru"ya 2:5 hesabı ilə uduzub.
