Məşhur argentinalı futbolçunun forması hərraca çıxarılıb

İngiltərənin "Mançester Siti" klubunun sabiq futbolçusu Serxio Aqueronun forması hərraca çıxarılıb.

"QELEBE.AZ" "Daily Mail"ə istinadən xəbər verir ki, "Hansons Auctioneers"in gerçəkləşdirdiyi hərracın başlanğıc qiyməti 20 min funt sterlinqdir.

Əldə edilən gəlirin bir hissəsi xeyriyyə təşkilatlarına bağışlanacaq.

Sözügedən geyim Aqueronun 2012-ci ildə QPR ilə görüşdə qələbə qolunu vurarkən geyindiyi formadır. "Hansons Auctioneers"in sözçüsü Devid Uilson-Ternar hücumçunun klubun tarixindəki ən vacib qoluna imza atdığını söyləyib.

Qeyd edək ki, Serxio Aquero 2021-ci ilin sonunda səhhətindəki problemlərə görə karyerasını bitirib. 2011 - 2021-ci illərdə "şəhərlilər"də çıxış edən forvard 2012-ci ildə Premyer Liqanın sonuncu turunda komandasına qələbə qazandıran qola imza atıb və "Mançester Siti" 44 ildən sonra ölkə çempionu olub.