“Rolan Qarros” tennis turnirinin mükafat fondu 56,3 milyon avro olacaq

Bu il keçiriləcək “Rolan Qarros” tennis turnirinin mükafat fondu 56,3 milyon avro olacaq.

"Report" xəbər verir ki, bu barədə yarışın rəsmi sosial media hesabında məlumat verilib.

Ötən illə müqayisədə pul mükafatı 5,21 % artıb ki, bu da 2,87 milyon avro deməkdir. Lakin raundlar arasında vəsaitin bölüşdürülməsinin təfərrüatları hələlik açıqlanmayıb.

Qeyd edək ki, turnir mayın 25-dən iyunun 8-dək Parisdə keçiriləcək. Yarışın son qalibləri kişilər arasında ispaniyalı Karlos Alkaras, qadınlarda isə polşalı tennisçi İqa Svyontekdir.