FIDE prezidenti azərbaycanlı dünya çempionlarını təbrik edib
https://qelebe.az//uploads/photo/fide-prezidenti-azerbaycanli-dunya-chempionlarini-tebrik-edib.webp
Beynəlxalq Şahmat Federasiyasının (FIDE) Arkadi Dvorkoviç prezidenti İtaliyadakı U-20 dünya çempionatında qızıl medal qazanmış Azərbaycan təmsilçiləri Gövhər Beydullayeva və Abdulla Qədimbəylini təbrik edib.
Azərbaycan Şahmat Federasiyasından "Report"a verilən məlumata görə, bağlanış mərasimindən sonra qaliblərlə görüşən funksioner onlara növbəti yarışlarda uğurlar arzulayıb.
Bunda öncə isə dünya çempionlarına qızıl medal və kubok təqdim olunub. Onların şərəfinə Azərbaycan himni səsləndirilib.
