Kilian Mbappe 2018-ci ildən bəri ən pis seriyasına imza atıb

İspaniyanın "Real" klubunun futbolçusu Kilian Mbappe 2018-ci ildən bəri ən pis seriyasına imza atıb.

"QELEBE.AZ" "Opta Jean"a istinadən xəbər verir ki, bu, 26 yaşlı hücumçunun bütün yarışlarda ardıcıl beş oyunda qol və məhsuldar ötürmə ilə yadda qalmaması sayəsində gerçəkləşib.

Madrid təmsilçisi son olaraq Çempionlar Liqasının 1/4 final mərhələsinin cavab matçında evdə İngiltərənin "Arsenal" komandasına uduzub - 1:2. Görüşə ilk "11-lik"də başlayan Mbappe 75-ci dəqiqədə əvəzlənib.

Fransalı forvard 2018-ci ilin aprel-may aylarında da beş qarşılaşmada fərqlənməyib və assist etməyib.

Qeyd edək ki, Londonda rəqibinə üç cavabsız qolla uduzan "Real" Çempionlar Liqası ilə vidalaşıb.