"Real" Almaniya klubunun mərkəz müdafiəçisi ilə maraqlanır

Almaniyanın "Bayer" (Leverkusen) klubunun mərkəz müdafiəçisi Pyero İnkapye İspaniya təmsilçisi "Real"ın diqqətini cəlb edib.

"QELEBE.AZ"un məlumatına görə, bu barədə "Sky Sport" yazıb.

“Kral klubu" uzun müddətdir ki, müdafiənin mərkəzini gücləndirmək variantlarını araşdırır və bu yay sözügedən mövqe üçün azı bir oyunçu cəlb edəcək.

İnkapye ötən il Londonun "Çelsi" və "Tottenhem" klublarına transfer oluna bilərdi. Bununla belə, müdafiəçi dekabrda "Bayer 04" ilə müddəti 2029-cu ilə qədər nəzərdə tutulan yeni müqavilə imzalayıb.

23 yaşlı futbolçunun dəyəri məşhur "Transfermarkt" saytının mütəxəssisləri tərəfindən 50 milyon avro qiymətləndirilib.