Messi və Di Mariya 84 illik uğuru təkrarlayıblar
https://qelebe.az//uploads/photo/messi-ve-di-mariya-84-illik-uguru-tekrarlayiblar.webp
Beynəlxalq Futbol Tarixi və Statistikaları Federasiyası (IFFHS) Yay Olimpiya Oyunlarının və dünya çempionatının qalibi olan futbolçuların adlarını açıqlayıb.
“QELEBE.AZ” qurumun rəsmi saytına istinadən xəbər verir ki, siyahıda ümumilikdə 13 oyunçu yer alıb.
Son olaraq Qətərdəki DÇ-2022-nin qalibi olan Argentina millisinin üzvləri Lionel Messi və Anxel Di Mariya cədvələ düşə biliblər. Onlar 2008-ci ildə Olimpiadanın qalibi olublar. Messi və Di Mariya 84 ildən sonra bunu bacaran ilk futbolçulardır.
Argentinalılara qədər həm Olimpiya Oyunlarını, həm də dünya çempionatını qazanan 11 oyunçunun hər biri bu nailiyyətə İkinci Dünya Müharibəsindən əvvəl imza atıb. Onlardan 7-si uruqvaylı, 4-ü isə italiyalıdır.
| Futbolçu | Milli komanda | Olimpiada | Dünya çempionatı |
| Joze Andrade | Uruqvay | 1924, 1928 | 1930 |
| Ektor Kastro | Uruqvay | 1928 | 1930 |
| Pedro Sea | Uruqvay | 1924, 1928 | 1930 |
| Lorentso Fernandes | Uruqvay | 1928 | 1930 |
| Alvaro Gestido | Uruqvay | 1928 | 1930 |
| Joze Nasazzi | Uruqvay | 1924, 1928 | 1930 |
| Ektor Skarone | Uruqvay | 1924, 1928 | 1930 |
| Serxio Bertoni | İtaliya | 1936 | 1938 |
| Alfredo Foni | İtaliya | 1936 | 1938 |
| Uqo Lokatelli | İtaliya | 1936 | 1938 |
| Pietro Rava | İtaliya | 1936 | 1938 |
| Lionel Messi | Argentina | 2008 | 2022 |
| Anxel Di Mariya | Argentina | 2008 | 2022 |
