Ocaq Kubokuna hazırlıq məqsədilə yoxlama məşqi keçirilib
https://qelebe.az//uploads/photo/ocaq-kubokuna-hazirliq-meqsedile-yoxlama-meshqi-kechirilib.webp
Milli Gimnastika Arenasında beynəlxalq Ocaq Kubokuna hazırlıq məqsədilə yoxlama məşqi keçirilib.
"QELEBE.AZ"un məlumatına görə, hazırlıq prosesində Gürcüstanın paytaxtı Tbilisidəki "II New Look Cup" turnirində medal qazanmış bədii gimnastlar da iştirak ediblər.
Azərbaycan təmsilçiləri sözügedən yarışda 11 qızıl, 9 gümüş və 5 bürünc medal qazanıblar.
Qeyd edək ki, noyabrın 25-dən 27-dək “Ocaq Sport” klubu ilk dəfə olaraq bədii gimnastika üzrə 1-ci beynəlxalq “Ocaq kuboku” təşkil edəcək. Milli Gimnastika Arenasında keçiriləcək yarışda yerli və xarici klubların kiçikyaşlı gimnastları mübarizə aparmaq imkanı əldə edəcəklər. Turnirdə 2007-2016-cı il təvəllüdlü gimnastlar fərdi, və qrup hərəkətləri üzrə ayrı-ayrı alətlər və çoxnövçülük üzrə yarışacaqlar.
