“Birlikdə üzək” adlı üzgüçülük yarışının qalibləri mükafatlandırılıblar

“Birlikdə üzək” adlı üzgüçülük yarışının qalibləri mükafatlandırılıblar.

“Report”un məlumatına görə, Su İdmanı Sarayındakı tədbirdə gənclər və idman naziri Fərid Qayıbov, nazir müavini Mariana Vasileva, idman şöbəsinin müdiri Elnur Məmmədov, Su İdmanı Sarayının direktoru Zaur Yaqubov və digər şəxslər iştirak ediblər.

İlk olaraq Dövlət Himni səsləndirilib. Ardınca qaliblərə medallar və diplomlar təqdim olunub.

Qeyd edək ki, dekabrın 24-dən 26-dək ölkə üzrə eyni vaxtda 30 idman kompleksində “Birlikdə üzək” adlı yarış baş tutub. Bu gün eyni vaxtda digər idman obyektlərində də mükafatlar təqdim edilib.