Kişi voleybolçular arasında Azərbaycan çempionatında XI turun oyunları keçiriləcək
https://qelebe.az//uploads/photo/kishi-voleybolchular-arasinda-azerbaycan-chempionatinda-xi-turun-oyunlari-kechirilecek.webp
Kişi voleybolçular arasında Azərbaycan Yüksək Liqasında bu gün XI turun oyunları keçiriləcək.
"QELEBE.AZ"un məlumatına görə, matçlardan ikisi Bakıda, biri Sumqayıtda gerçəkləşəcək.
Sumqayıt Olimpiya Kompleksində "Gənclər" "Xilasedici" ilə üz-üzə gələcək. Görüş saat 16:00-da start götürəcək.
Eyni saatda Gənclər və İdman Nazirliyinin Voleybol Mərkəzində “Murov Az Terminal” MOİK-lə qarşılaşacaq. Saat 18:00-da isə eyni arenada "Neftçi" və "Azərreyl" münasibətlərə aydınlıq gətirəcəklər.
Qeyd edək ki, "Murov Az Terminal" hazırda 24 xalla liderdir. "Xilasedici" 23 xalla ikinci, "Azərreyl" 22 xalla üçüncü pillədə qərarlaşıb. "Neftçi" 15 xalla dördüncü, MOİK 5 xalla beşinci, "Gənclər" 1 xalla sonuncu - altıncıdır.
