AFFA "Zirə"nin futbolçusu ilə bağlı qərara yenidən baxacaq

AFFA İntizam Komitəsi (İK) "Zirə"nin futbolçusu Coşqun Diniyevin məsələsinə yenidən baxacaq.

"Report" milli assosiasiyanın rəsmi saytına istinadən xəbər verir ki, 27 yaşlı yarımmüdafiəçi səfərdə "Sabah"a 0:1 hesabı ilə uduzduqları Azərbaycan Premyer Liqasının X tur matçının 84-cü dəqiqəsində qırmızı vərəqə alaraq meydanı tərk etdikdən sonra stadionun giriş qapısının şüşəsini sındırdığı üçün 1 oyun cəzalanıb, klub isə 2400 manat cərimə olunub.

Qərar yenidən baxılması üçün İK-ə göndərilib.