İspaniyalı fiqurlu konkisürən altı il müddətinə diskvalifikasiya edilib
İspaniyalı fiqurlu konkisürən Laura Barkero antidopinq qaydalarının pozulmasına görə altı il müddətinə diskvalifikasiya edilib.
“QELEBE.AZ”un “Hielo Espanol”a istinadən məlumatına görə, Barkero 2022-ci ildə Pekin Qış Olimpiya Oyunlarında Marko Zandron ilə cütlük şəklində çıxış edib və 11-ci yeri tutub.
Lakin yarışların başa çatmasına üç gün qalmış onun dopinq testi müsbət nəticə göstərib. İdmançının 2023-cü ildə verdiyi növbəti test də müsbət çıxıb.
İdmançının cəza müddəti ilk müsbət nəticənin qeydə alındığı 2022-ci ildən başlayır. Təxminən üç il davam edən araşdırmalar müddətində L.Barkero karyerasını başa vurub və təhsilinə diqqət yetirib.

https://qelebe.az//uploads/photo/ispaniyali-fiqurlu-konkisuren-alti-il-muddetine-diskvalifikasiya-edilib.webp











