ABŞ klubunun hücumçusu 10 oyunluq diskvalifikasiya olunub

ABŞ-nin "Minnesota" klubunun hokkeyçisi Rayan Hartman 10 oyunluq cəzalandırılıb.

"QELEBE.AZ" Milli Hokkey Liqasının (NHL) mətbuat xidmətinə istinadən xəbər verir ki, 30 yaşlı hücumçu fevralın 1-də "Ottava"ya qarşı matçda rəqib hücumçu Tim Ştyutsla mübarizədə sərt oyun nümayiş etdirib.

R.Hartman almaniyalı rəqibini dirsəyi ilə vuraraq buzun üzərinə yıxıb. Nəticədə T.Ştyutslın dəbilqəsi düşüb və hokkeyçi kəsik yarası alıb.

"Minnesota"nın hücumçusu bu hərəkətinə görə oyunun sonuna qədər meydandan kənarlaşdırılıb. Diskvalifikasiya olunması ilə yanaşı, hokkeyçinin təxminən 488 min dollar cərimələnəcəyi də bildirilib.

Qeyd edək ki, "Minnesota" - "Ottava" matçı Kanada klubunun 6:0 hesablı qələbəsi lə başa çatıb.