"Napoli" "Fənərbağça"da çıxış edən futbolçunu heyətinə qatmaq istəyir

İtaliyanın "Napoli" klubu hazırda Türkiyə təmsilçisi "Fənərbağça"da çıxış edən Allan Sen-Maksimeni heyətinə qatmaq istəyir.

"QELEBE.AZ"un məlumatına görə, bu barədə məşhur insayder Fabritsio Romano sosial şəbəkə hesabında paylaşım edib.

Onun sözlərinə görə, Neapol komandası 27 yaşlı vinger üçün müqavilə ilə məxsus olduğu Səudiyyə Ərəbistanının "Əl-Əhli" klubuna təklif göndərib. Hazırda tərəflər arasında danışıqlar davam edir.

Qeyd edək ki, fransalı oyunçu mövsümün əvvəlindən icarə əsasında İstanbul təmsilçisinin formasını geyinir. 24 matçda meydana çıxan futbolçu 3 qol və 4 məhsuldar ötürmə ilə yadda qalıb. "Napoli" hazırda A Seriyasında 53 xalla liderdir.