Premyer Liqa: "Səbail" "Kəpəz"i məğlub edib

Misli Premyer Liqasının XX turunda “Səbail” evdə “Kəpəz”i məğlub edib.

“Report” xəbər verir ki, "ASCO Arena"da keçirlən görüş meydan sahiblərinin qələbəsi ilə yekunlaşıb - 1:0.

Matçda yeganə qolu 11-ci dəqiqədə Madi Queta vurub.

Bu qələbədən sonra xallarının sayını 15-ə yüksəldən Bakı komandası turnir cədvəlində 9-cu pilləyə yüksəlib. 14 xala malik “Kəpəz” isə yenidən sonuncu - 10-cu yerə düşüb.

Qeyd edək ki, XX turun ötən gün Şamaxıda baş tutan "Şamaxı" - "Zirə" matçında qonaqlar 2:1 hesablı qələbə qazanıb. Tura sabah "Araz-Naxçıvan" - "Neftçi" və "Qarabağ" - "Turan Tovuz" görüşləri ilə yekun vurulacaq.