Holann İngiltərə Premyer Liqası tarixində ən çox maaş alan futbolçu olacaq

"Mançester Siti" klubu ilə müqavilə müddətini artıran Erlinq Holann İngiltərə Premyer Liqası tarixində ən çox maaş alan futbolçu olacaq.

"QELEBE.AZ" xəbər verir ki, bu barədə "The Guardian" nəşri məlumat yayıb.

Sözləşməsini 2034-cü ilin yayınadək uzadan 24 yaşlı hücumçu həftədə 500.000 funt-sterlinq qazanacaq.

Qeyd edək ki, 2022-ci ildən "şəhərlilər"in formasını geyinən Erlinq Holann iki dəfə İngiltərə Premyer Liqasının, bir dəfə ölkə kubokunun, Çempionlar Liqasının və UEFA Superkubokunun qalibi olub.