"Mançester Siti" Özbəkistan millisinin futbolçusunu transfer etmək istəyir

İngiltərə çempionu "Mançester Siti" Özbəkistan millisinin mərkəz müdafiəçisi Abdukodir Xusanovu heyətinə qatmaq istəyir.

"QELEBE.AZ" xəbər verir ki, bu barədə məşhur insayder Fabritsio Romano sosial şəbəkə hesabında paylaşım edib.

"Şəhərlilər" sözügedən transferi yaxın zamanda həyata keçirməyi planlaşdırır. Hazırda Fransanın "Lans" komandasında çıxış edən 20 yaşlı futbolçu bir neçə aparıcı klubların maraq dairəsindədir.

Qeyd edək ki, A.Xusanov Özbəkistan yığmasının heyətində 18 qarşılaşmada meydana çıxıb. "Transfermarkt" portalı onun dəyərini 12 milyon avro qiymətləndirir.