Azərbaycan idmançılarının 2025-ci ilin ilk ayı üçün reytinq cədvəli açıqlanıb
https://qelebe.az//uploads/photo/azerbaycan-idmanchilarinin-2025-ci-ilin-ilk-ayi-uchun-reytinq-cedveli-achiqlanib.webp
Gənclər və İdman Nazirliyi Azərbaycan idmançılarının 2025-ci ilin ilk ayı üçün yeni reytinq cədvəlini açıqlayıb.
"Report"un məlumatına görə, bədii gimnastika üzrə qrup hərəkətləri komandası (500 xal) ilk pillədə yer alıb.
Fransanın paytaxtı Parisdəki Yay Olimpiya Oyunlarının qalibi olmuş cüdoçu Hidayət Heydərov 450 xalla ikincidir. Atlet Anna Skidan (315 xal) isə üçüncü olub.
İlk "10-luq"da Paris-2024-ün digər qalibi, cüdoçu Zelim Kotsoyev (310 xal), cüdoçu Elcan Hacıyev (300 xal), idman gimnastı Nikita Simonov (285 xal), cüdoçu Balabəy Ağayev (250 xal), bədii gimnast Zöhrə Ağamirova (220 xal), ağırlıqqaldıran Dadaş Dadaşbəyli (205 xal) və cüdoçu Yaşar Nəcəfov (190 xal) yer alıblar.
