Ueyn Runi Çempionşip klubu ilə yolları ayırıb

İngiltərə millisinin və "Mançester Yunayted" klubunun sabiq futbolçusu Ueyn Runi baş məşqçisi olduğu Çempionşip təmsilçisi "Plimat Arqayl"la yolları ayırıb.

"QELEBE.AZ" xəbər verir ki, bu barədə klubun mətbuat xidməti məlumat yayıb.

Mütəxəssislə klub arasında müqavilə qarşılıqlı razılıq əsasında ləğv edilib. 39 yaşlı məşqçi komandanı bu ilin mayından çalışdırırdı. Runinin köməkçiləri də vəzifələrindən istefa verib.

Qeyd edək ki, "Plimat Arqayl" Çempionşipdə 23 turdan sonra sonuncu - 24-cü yerdə qərarlaşıb.