Qadın voleybolçular arasında Azərbaycan çempionatında III turun oyunları keçirilib
https://qelebe.az//uploads/photo/qadin-voleybolchular-arasinda-azerbaycan-chempionatinda-iii-turun-oyunlari-kechirilib.webp
Qadın voleybolçular arasında Azərbaycan Yüksək Liqasında III turun oyunları keçirilib.
"Report"un məlumatına görə, bütün qarşılaşmalar eyni gündə baş tutub.
“Milli Aviasiya Akademiyası” - “Abşeron” görüşündə qonaqlar 3:2 hesablı qələbə qazanıblar.
"Gəncə" kollektivi "Murov Az Terminal"ı, "Azərreyl" isə UNEC komandasını 3:0 hesabı ilə üstələyib.
Qeyd edək ki, üç turdan sonra birinci, ikinci pillələri bölüşən"Abşeron" və "Azərreyl"in 8 xalı var. “Gəncə” və “Murov Az Terminal” 4, “Milli Aviasiya Akademiyası” isə 3 xala malikdir. Bütün görüşlərdə məğlub olan UNEC isə xalsızdır.
