“Azərreyl”in Almaniya klubu ilə oyunlarının yeri və vaxtı bəlli olub
Çağırış Kubokunda mübarizə aparan qadın voleybolçulardan ibarət “Azərreyl” klubunun 1/16 final mərhələsində Almaniyanın “VfB SUHL Thüringen” komandasına qarşı keçirəcəyi oyunların yeri və vaxtı dəqiqləşib.
Azərbaycan Voleybol Federasiyasından “QELEBE.AZ”a verilən məlumata görə, iki klub arasında əldə olunan qarşılıqlı razılaşmaya əsasən, hər iki matç Almaniyada baş tutacaq.
Dekabrın 14-də və 15-də keçiriləcək görüşlərdə ilk gün təmsilçimiz, ertəsi gün isə rəqib meydan sahibi sayılacaq.
Qeyd edək ki, “Azərreyl” 1/32 finalda Slovakiya təmsilçisi “Slaviya”nı mübarizədən kənarlaşdırıb.

https://qelebe.az//uploads/photo/azerreylin-almaniya-klubu-ile-oyunlarinin-yeri-ve-vaxti-belli-olub.webp











