Ronaldu Almaniyanın “Bavariya” klubuna keçə bilər

“Mançester Yunayted” futbol klubunun hücumçusu Kriştiano Ronaldu Almaniyanın “Bavariya” klubuna keçə bilər.

“Report” xəbər verir ki, bu barədə “Daily Mail” məlumat yayıb.

Mənbənin məlumatına görə, portuqaliyalı hücumçu və onun agenti Xorxe Mendeş ötən həftə Münhen klubunun nümayəndələri ilə görüşüb.

“Bavariya”nın hücumçusu Sadio Manenin səhətti ilə bağlı narahatlıqlar olduğu üçün alman klubunun rəhbərliyinin Ronaldunun xidmətində maraqlı olduğu bildirilir.

Portuqaliyalı futbolçu son müsahibəsində “Mançester Yunayted”in xəyanətindən, həmçinin komandanın baş məşqçisi Erik ten Haqa hörmətsizlikdən danışıb.