"Arsenal" və "Çelsi" 18 yaşlı müdafiəçini transfer etmək istəyir

İngiltərənin "Arsenal" və "Çelsi" klubları Braziliya təmsilçisi "Palmeyras"da çıxış edən Vitor Reyslə maraqlanırlar.

"Report" yerli mətbuata istinadən xəbər verir ki, London təmsilçilərinin skautları 18 yaşlı müdafiəçinin oyununa heyran qalıblar və onda böyük perspektiv görürlər.

Braziliyalı oyunçu yay transfer dönəmində bu klublar üçün potensial transfer hədəfidir.

Qeyd edək ki, Vitor Reysin "Palmeyras"la müqaviləsinin müddəti 2028-ci ilin yayınadək nəzərdə tutulub. O, 2024-cü ildə komandanın heyətində 22 oyuna çıxıb, 2 qolla yadda qalıb.