Premyer Liqada XV tura iki oyunla start veriləcək

Misli Premyer Liqasında XV tura bu gün iki oyunla start veriləcək.

"Report"un məlumatına görə, əvvəlcə "Araz-Naxçıvan" klubu "Liv Bona Dea Arena"da "Turan Tovuz"u qəbul edəcək.

Cavid Cəlilovun idarə edəcəyi görüş saat 16:00-da başlayacaq. Hazırda "Araz-Naxçıvan" turnir cədvəlində 33 xalla ikincidir. Üçüncü olan Tovuz təmsilçisinin 27 xalı var.

Turun ilk oyun gününə "Bank Respublika Arena"da yekun vurulacaq. "Sabah" evdə "Səbail"i qəbul edəcək. Rəvan Həmzəzadənin idarə edəcəyi matç saat 19:00-da başlayacaq.

Rusiyalı mütəxəssis Vasili Berezutskinin baş məşqçisi olduğu "Sabah" turnir cədvəlində 19 xalla beşincidir. Doqquzuncu pillədə qərarlaşan "Səbail"in 8 xalı var.

Misli Premyer Liqası

II dövrə, XV tur

29 noyabr

16:00. “Araz-Naxçıvan” – “Turan Tovuz”

Hakimlər: Cavid Cəlilov, Kamran Bayramov, Müslüm Əliyev, Nicat İsmayıllı.

VAR: Rauf Cabarov.

AVAR: Eyyub İbrahimov.

Hakim-inspektor: İmanxan Sultani.

Liv Bona Dea Arena

19:00. “Sabah” – “Səbail”

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev.

VAR: Rauf Allahverdiyev.

AVAR: Rəhman İmami.

Hakim-inspektor: Ramil Diniyev.

Bank Respublika Arena

Qeyd edək ki, turun digər görüşləri noyabrın 30-da və dekabrın 1-də keçiriləcək.