"Arsenal" "Bavariya"nın futbolçusunu transfer etmək istəyir

İngiltərə təmsilçisi "Arsenal" Almaniyanın "Bavariya" klubunun futbolçusu Leroy Saneni heyətinə qatmağı düşünür.

"Report" xarici KİV-ə istinadən xəbər verir ki, "topçular" cari mövsümün sonu müqaviləsi başa çatacaq 28 yaşlı vingeri azad agent kimi transfer etmək istəyir.

Almaniya millisinin üzvü də Londona köçmək fikrinə müsbət yanaşır.

Qeyd edək ki, Leroy Sane bu mövsüm "Bavariya"nın heyətində 10 oyunda 3 qol vurub.