İsrail idmançısı iki il müddətinə diskvalifikasiya edilib

Beynəlxalq Dopinq Test Agentliyi İsrail ağır atleti Stanislav Maznitsını 2 il müddətinə diskvalifikasiya edib.

"Report"un "Israel Hayom"a istinadən məlumatına görə, agentlik bu addımı Moskva antidopinq laboratoriyasının məlumat bazasına əsasən atıb.

İdmançının kənarlaşdırılmasına səbəb olan dopinq testi 2014-cü il noyabrın 15-də Rusiya çempionatı zamanı götürülüb. Diskvalifikasiya qərarı bu il oktyabrın 8-dən etibarən qüvvəyə minib.

İsraili Ağır Atletika Federasiyası idmançının yarışlardan uzaqlaşdırılmasına etiraz etmək niyyətindədir.

Qeyd edək ki, 2022-ci ildən İsrail bayrağı altında çıxış edən 28 yaşlı rusiyalı idmançı 2017-ci ildə Rusiya Kubokunun qalibi, 2019-cu ildə gənclər arasında Avropa çempionatının bürünc mükafatçısı olub.