Bakıda Avropa Cüdo Birliyinin Tibb Komissiyasının tibbi seminarı başlayıb

Bakıda Avropa Cüdo Birliyinin Tibb Komissiyasının tibbi seminarı başlayıb.

"Report"un məlumatına görə, açılış mərasimində Azərbaycan Cüdo Federasiyasının (ACF) icraçı vitse-prezidenti Rəşad Rəsullu, Gənclər və İdman Nazirliyinin idman şöbəsinin müdiri Elnur Məmmədov, həmçinin Avropa Cüdo Birliyinin rəsmiləri iştirak ediblər.

Tədbiri ACF-nin icraçı vitse-prezidenti R.Rəsullu açıq elan edib və fikirlərini səsləndirib. Daha sonra E.Məmmədov çıxış edərək, seminar iştirakçılarına uğurlar arzulayıb.

Tibb Komissiyasının rəsmiləri və seminara dəvət olunan həkimlər də fikirlərini çatdırıblar.

Qeyd edək ki, tibbi seminar oktyabrın 19-na qədər davam edəcək.