Azərbaycan Kuboku: I təsnifat mərhələsində daha dörd oyun baş tutub

Futbol üzrə Azərbaycan Kubokunun I təsnifat mərhələsində bu gün daha dörd oyun baş tutub.

"QELEBE.AZ" xəbər verir ki, “Şimal” komandası doğma meydanda “Qusar”ı 4:1 hesabı ilə məğlub edib.

“Lerik” evdə “Ağdaş”a 0:4 hesabı ilə uduzub. “Sheki City” - “Şəmkir” görüşündə qonaqlar üstün olub - 1:0. "Hypers Guba" isə "Göygöl"ü səfərdə 3:2 hesabı ilə məğlub edib.

Qeyd edək ki, I təsnifat mərhələsinin dünən keçirilən görüşlərində “Şahdağ Qusar” evdə “Kür-Araz”dan 3:1, “Şəfa” isə “Saatlı-Araz”dan 2:0 hesabı ilə üstün olub.