Erlinq Holann dünyanın ən bahalı futbolçusu olub

İngiltərənin "Mançester Siti" klubunun və Norveç millisinin üzvü Erlinq Holann dünyanın ən bahalı futbolçusu olub.

"Report" xəbər verir ki, məşhur "Transfermarkt" portalı bəzi oyunçuların qiymətini yeniləyib və 24 yaşlı hücumçunun dəyərini 180 milyon avrodan 200 milyona qaldırıb.

Daha əvvəl E.Holann "Real"ın (Madrid, İspaniya) futbolçuları Cud Bellinqem, Vinisius Junior və Kilian Mbappe ilə 1-ci pilləni bölüşdürürdü. Son üç futbolçunun transfer qiyməti dəyişməyib - 180 milyon avro.

Qeyd edək ki, Erlinq Holann 200 milyon avro dəyərinə çatan ikinci oyunçu olub. 2018-ci ilidə Mbappe bunu bacarmışdı.