Fərid Qayıbov Avropa Ağırlıqqaldırma Federasiyasının prezidentini qəbul edib
https://qelebe.az//uploads/photo/ferid-qayibov-avropa-agirliqqaldirma-federasiyasinin-prezidentini-qebul-edib.webp
Gənclər və idman naziri Fərid Qayıbov Avropa Ağırlıqqaldırma Federasiyasının prezidenti Antonio Conflittini qəbul edib.
"Report" xəbər verir ki, qonağı salamlayan nazir ona ölkəmizdə idman sahəsində görülən işlər və qazanılan uğurlar barədə məlumat verib.
Görüş zamanı ölkəmizdə ağırlıqqaldırma idman növünün inkişafı istiqamətində görülən işlər, Avropa Ağırlıqqaldırma Federasiyası ilə əməkdaşlıq perspektivləri və digər məsələlər müzakirə olunub.
Görüşdə nazir müavini Mariana Vasileva, Azərbaycan Ağırlıqqaldırma Federasiyasının prezidenti Kamran Nəbizadə və vitse-prezidenti Firdovsi Umudov da iştirak ediblər.
