Qış Oyunlarına yollanan Cənubi Koreya millisinin üç üzvü vəfat edib

Cənubi Koreyanın xizəksürmə millisinin üç üzvü qəza nəticəsində həlak olub.

"Report" "NZ Herald" nəşrinə istinadən xəbər verir ki, hadisə Yeni Zelandiyada baş verib.

İdmançılar və məşqçilər Ceraldin şəhərində qəzaya düşüblər. Nəticədə iki xizəkçi və mütəxəssis vəfat edib. Sürücü də daxil olmaqla bir neçə nəfər xəsarət alıb.

Polis hadisə ilə bağlı araşdırma aparır.

Qeyd edək ki, Cənubi Koreya komandası avqustun 23-dən sentyabrın 8-dək Qış Oyunlarında iştirak etmək məqsədi ilə Yeni Zelandiyaya gedib.