Anatoli Karpov sərxoş vəziyyətdə xəstəxanaya yerləşdirilib

Şahmat üzrə sabiq dünya çempionu Anatoli Karpov xəstəxanaya yerləşdirilib.

QELEBE.AZ saytının məlumatına görə, 71 yaşlı veteran ağır zədə ilə reanimasiyaya çatdırılıb.

Onu Dövlət Dumasının yaxınlığında huşsuz şəkildə tapıblar. Ayağı qırılan və başından ağır zədələnən Karpov dərhal xəstəxanaya aparılıb. Müayinələr zamanı onda baş zədəsi, qanaxma və ayağında sınıq aşkarlanıb. Sabiq dünya çempionu içkili vəziyyətdə olub.

Qeyd edək ki, 12-ci dünya çempionu 1975-85-ci illərdə Şahmat tacının sahibi olub.