"Arsenal" İspaniya yığmasının üzvünü transfer etmək istəyir
https://qelebe.az//uploads/photo/arsenal-ispaniya-yigmasinin-uzvunu-transfer-etmek-isteyir.webp
İngiltərənin "Arsenal" klubu İspaniya təmsilçisi "Real Sosyedad"dan Mikel Merinonu transfer etmək istəyir.
"Report" "BBC Sport"a istinadən xəbər verir ki, klublar İspaniya yığmasının üzvünün keçidi ilə bağlı danışıqlara başlayıb.
28 yaşlı futbolçunun İspaniya təmsilçisi ilə müqavilə müddətinin bitməsinə bir ildən az vaxt qalıb. Bu da o anlama gəlir ki, anlaşma yenilənməsə, futbolçu 2025-ci ilin yanvarından etibarən digər klublardan gələn təklifləri dəyərləndirə biləcək.
Qeyd edək ki, M.Merino ötən mövsüm "Real Sosyedad"ın heyətində ümumilikdə 45 oyunda meydana çıxıb və 8 qolla yadda qalıb.
