Giorgi Meşvildişvili: “Qazandığım medal mənim üçün qızıla bərabərdir”

“Qazandığım medala görə hər kəsə, bütün Azərbaycana təşəkkür edirəm. Bu, mənim üçün qızıla bərabərdir”.

“QELEBE.AZ”un Parisə ezam olunmuş əməkdaşı xəbər verir ki, bu sözləri “Paris-2024” Yay Olimpiya Oyunlarında bürünc medal qazanan Azərbaycanın sərbəst güləşçisi Giorgi Meşvildişvili deyib.

Giorgi Meşvildişvili yarımfinalda məğlub olduğu gürcüstanlı idmançının çox güclü olduğunu bildirib. İdmançı bildirib ki, Parisdə keçirilən Yay Olimpiya Oyunlarında əldə etdiyi bürünc medal onu gələcək yarışlar üçün daha da motivasiya edəcək.

Qeyd edək ki, Fransanın paytaxtı Parisdə təşkil olunan Yay Olimpiya Oyunlarında Azərbaycanın sərbəst güləşçisi Giorgi Meşvildişvili bürünc medal qazanıb.